Jenesis 1 

Sapta 1 

Nebenali Aninu God nenek wolobaichi anechi enech nenek iluh 
atap. 

1-5 Seiwajc bawogas umu Nebenali Aninu God anan atunu 

napwe. Elpech ulah outagu wok enech chupwe ye. Anan 
atunu napwe aliga nenek iluh nenek atap. Atap amanab 
wok abal atubel blalu blenak, Nebenali Aninu God ananin 
Michin nyapwe nyetemu abal. Wolobaigun umu gnapwe 
yemetokweh. Nebenali Aninu God nakli hola-lagun ali 
hola-lagun. Natik hola-lagun umu nakli wosik hola-lagun 
kalbek. Nakli yemetokweh sik hola-lagun sik. 
Yemetokweh nakli wab, hola-lagun nakli nyumenah. 
Susu-bweih nyumenah ahudak hatuh. 

6-8 Nebenali Aninu God nakli nutupok abal. Nakli blukus 

iluh uli sik, blukus atap uli sik. Ali blakus iluh uli sik, 
blakus atap uli sik. Olokohun umu nakli outagu gupwe. 
Haklimu bwiyeh nyumeneh umu ahudak hatuh. 

9-10 Nebenali Aninu God nakli abal blakus atap uli blulu 

atugun amanab bikih. Ali abal blanak blalu atugun, 
amanab bakih bapwe. 

11-13 Susubati amanab atub. Ali nakli wolobaichi anechi 

enech chutaglu amanab. Ali lowas, utaluh, kakwich 
anechi enech chanati-maguk chataglu amanab uli chataglu 
chapwe. Lowas sakih seil chulkwip peil pagluk atap, ali 
lowas sataglu sakih atin ati lowas. Utaluh alagun 
wolobai-luhi hlataglu hlakih amanab atuluh ati. Kakwich 
alagun wolobaichi chataglu chakih. Haklimu bwiyeh atuh 
nyumeneh umu ahudak hatuh. 

14-19 Ali Nebenali Aninu God nenek nyumena-hinu aun sik, 

nenek wabinu aun sik. Nakli unib utaglu wab. Namudak 
ali nyumena-hinu aun nakihi nyumenah, wabinu aun nabuh 

135 



Jenesis 2 

wab. Ali unib wataglu wab. Ali atap hola-lagun. Apak 
matik nyumena-hinu aun wabinu aun, all mudukemu aub. 
Ananu aun echah umu echah atuh hulali. Ananu aun wah 
umu wah atuh huta-woli. Nebenali Aninu nenekab namudak. 
Haklimu nubatih nyumeneh umu ahudak hatuh. 

20-23 Aliga haklimu nubat atuh umu nyumenah Nebenali Aninu 

God nakli wolobai-guhwi yeguh, wolobaichi anechi enech 
chapwe wolub uli chapwe yous uli chupwe. Ali chataglu 
chapwe. Wolobaichi anechi enech chapwe wolub uli yous 
uli chapwe. Chabiki batowich echech chechlali wolobaichi 
wolobai-gali yamegu. Nebenali Aninu God nakli 
wolobai-guhwi almiguh hotemu lowas uli hutaglu hupwe. 
Namudak ali hwataglu hwapwe, holali nugaguh wolobai-gali 
yamegu hwataglu hwapwe. Haklimu nubat atuh nyumenah 
umu ahudak hatuh. 

24-25 Haklimu anowipih umu nyumenah Nebenali Aninu God 

nakli wolobaichi mahich chapwe ulah uli, wolobaichi 
idulahas wolobaichi anechi enech echudak chalahe atap uli 
chutaglu chupwe. Ali chataglu chapwe. Nakli anechi 
enech chubiki batowich wolobaichi, ali chataglu wolobaichi 
chapwe. 

Nebenali Aninu God nenek elmom elmagou. 

Nebenali Aninu God nakli nenek elmom elmagou. Ali 
nenek elmom elmagou, chapwe kobwi douk anan umu. 
26 Nakli elmom elmagou chutik wolobaichi anechi enech 

chapwe atap uli chapwe yous uli chapwe ulah uli. 



Sapta 2 



Nebenali Aninu God nenek elmom elmagou namudak. Nasuh 
amanab nenekanu eman. Nehepich ananip yap pawich elman 
ananihw michuh. Nokwalumu elman naitak neyotu. 

136 



Jenesis 2 

Nabukmanu yeul Adam. Nebenali Aninu God nabani 
nebegali nahabigu. Ali nalau Adam nanak nagila-ponu 
nahabigu Adam. Ali Adam napwe nahabigu. Atub wolub 
batobweli olokohun nahabigu. Wolub batobweli gani 
boglami bamu wolub yeuli-bumu Iden. 

9b-17 Bwiech lowas seyotu nahabigu. Anen lowag chulkwip 

peilenyi nyeyotu olokohun. Dakinyi elpen nyudi chulkwip 
nyipah kobwi nyugak nyunubu nyupwe eheh nyumeneh kobwi 
hutuh. Kipainyi lowag chopuk nyeyotu. Chulau sakihas 
umu enyudak lowag. Dakinyi elpen nyudi chulkwip nyipah 
eke enyen meyoh dodogowin umu nyukli moneken yopwinyi, 
moneken yowenyi. Nebenali Aninu God nakliponu Adam, 
"Nyak nyupwe nyunek moul nahabigu, wolobaichi lowas 
chulkwip piyul nyupwe nyipah ali nyupwe. Senyudak lowag 
chalau sakihas umu kobwi nyinyah. Nyupwe. Nyinyah 
eke nyak dodogowinyu umu nyak meyoh nyuduke-mech 
bwiyen saki yopwinyi nyunu yowenyi. Kobwi nyinyah 
enyudak lowag eke nyugak. 

18-23 Nebenali Aninu God nasuh amanab nenekech 

wolobaichi anechi enech chapwe ulah uli, wolobai-guhwi 
almiguh hotemu lowas uli. chapwe. Nala-wali almiguh 
nanaki naku Adam nabuk yeguh umu oguhudak almiguh, 
nabuku-mech yeguh anechi enech ulahich mahich alagun. 
Adam nabuk yeguh umu echudak chanati-maguk nabuku-mech 
yeguh. Nebenali Aninu God nakli, "Adam anan atunu 
napwe, namudak wak. Ineku-manu onok elmatok wosik. 
Kupwe-manu umu chunek anechi enech." Ali nakli-ponu 
Adam, "Nyak nyichuh." Ali nechuh nagak. Ali natuk 
atup labup necha-wehagun gnapwe ali wo gnutalu e, natuk 
labup umu. Nasuh labup nenek elmatok. Adam naitak 
ali Nebenali Aninu God nalawok nanak Adam napwemu 
nekeneyok. Adam natuluk nakli, "Nyak kobwi douk yek 
umu. Nebenali Aninu God natuk yekip labup nenek nyak 

137 



Jenesis 3 

ali yek ihwalenyu elmatok." Adam naklipok namudak. 
24-25 Namudak ali meinali dakinali elman nakli nuhok elmatok 

uli eke nenek enyudak. Nutuke-maguk mamachich nusuh 
elmatok chunak chupwe sik. Echech eke chunosupu atip 
ulkwip chupwe, Manati-maguk mapwe atap uli namudak ati 
chanosupu umu. Nebenali Aninu God nakli-pwech bwiyech, 
"Pupwe atugun pulali batowich petulich wolobaichi anechi 
enech." Nebenali Aninu God nakli-pwech namudak. 
Bwiyech chapwe meyoh luseh wak. Ali wo chunek ablan 

ye# 
29-30; 2.9a Nebenali Aninu God nekapu anechi enech chataglu 

amanab uli apak michah uli. Apak manati-maguk mapwe 

atap uli. Nekech anechi enech chapwe ulah uli chowak 

waligun ulahigun. Nokoguh yeguhwigun waligun alagun. 

Natulich echudak chanati-maguk nenekech uli chapwe 

kalbek, nakli wosik. Haklimu onowipih umu nyumenah 

ahudak hatuh. Ali Nebenali Aninu God ananin moul 

nyatuh. Haklimu onowip atuh umu nyumenah wo nunek 

moul e, napwe meyoh. Nakli, "Ahudak nyumenah moul 

wak. Yekih nyumenah." Nokwalumu walub uli senedak. 

Sapta 3 

Yowenali Seten nawichen iduwul nyaula-lemech 

1-7 Enyudak iduwul nyanubu nyaduke-mech nyaula-lumech 

uli. Kipaichi Nebenali Aninu God nenekech uli wo 
chuduke-mech wolobainyi bolan e # iduwul atin nyaduke-mech 
wolobainyi bolan. Ali nyakli-pok elmatok, "Nebenali 
Aninu God nakli-pepu malmu? Wolobaichi lowas chulkwip 
peile-chi cheyotu nahabigu. Nebenali Aninu nakli 
sunati-maguk lowas chulkwip pediyep pipah o wak?" 
Kwakli-pwen iduwul, "Naklipohu wolobaipi chulkwip wosik 

138 



Jenesis 3 



wudiyep wipah. All enyudak lowag nyeyotu olokohun uli 
wak. Kobwi wudiyen winyah, eke ugak # Kobwi uhwen 
wis, eke ugak." Kwakli-pwen namudak. Ali iduwul 
nyakli-pok, "Ipak pinyah, eke kobwi pugak. Ipak pinyah, 
eke pudukemu anenyi enen bolan yopwinyi yowenyi. 

139 



Jenesis 3 

Pudu-kemu anenyi enen kobwi douk Nebenali Aninu God 
naduke-mech umu. Anan naduke-mech yek yaklipe-pomu." 
Iduwul nyakli-pok namudak. Ali kwatik epedak chulkwip 
kwakli, "Yapipi umu ipah." Kwakli kwipah umu 
kuduke-mech umu anechi enech sakihas. Ali kwadiyep 
kwapah kokanu anep alaminu napah. Wokli julug. 
Chadu-kemech umu anechi enech yopwichi chanu yowechi. 
Chapwe meyoh. Ali chenek ablan umu luseh wak. Ali 
chowechik chuwus chapwe. 

8-12 Aliga wabigun Nebenali Aninu God nelahe naluk 

nahabigu. Adam nanu elmatok chemene-kanu chalhwas 
chanak chono-bwechuk lowas bawoge-gas umu. Ali 
nohwalech "Penek moneken da palhwas?" Adam nakli-panu, 
"Yek yemene-kenyu nyanaki. Yek lupah wak. Ali yalau 
ablan ali yalhwas. Yanaki yono-bwechuk." Adam 
nakli-panu namudak. Ali Nebenali Aninu God nakli-ponu, 
"Omuni nyakli-penyu lupah wak? Omuni nyakli-penyu 
enyudak bolan? Nyak nyapah epedak chulkwip yakli-pepu 
kobwi pipah wak epedak chulkwip?" Adam nakli-panu, 
"Nyak nyeke okudak elmatok, koke chulkwip yapah." 

13 Ali Nebenali Aninu God nalikok, "Nyabilak malmu 

nyenek namudak?" Ali kwakli-ponu, "Enyudak iduwul 
nyaula-lume ali yapah chulkwip," Ali Nebenali Aninu God 
nakli-pwen iduwul, "Nyak nyaula-lumok ali nyak nyunubu 
nyupwe atap atugun nyulahe umu nyakihw opahw aliga aliga 
nyugak." 

15 Ali nakli-pwen iduwul chopuk, "Yek ikli, nyak nyunu 

okudak elmatok eke pulpok ati pupwe. Nyakip awilop 
okokwip awilop kweipon chuno-kwalumu chulpok ati chupwe." 
Ali nakli-pwen iduwul chopuk, "Kweipon nyak nyubo ananu 
elman ananim egem yalihw. Anudak elman okudak elmatok 
okokwip awilop kweipon chuno-kwalumu uli. Nyak nyubo 
ananim egem yalihw. Ali anan kweipon nubo nyakim 

140 



Jenesis 3 

boglom." Nebenali Aninu God nakli-pwen namudak iduwul. 

16 Ali natano-moli naklipok, "Nyulali batowich umu, eke 
nyumenek nyihatih nebegun ali kobwi nyutuke-monaguk 
nyakinu alaminu, wak. Nyutulunu nyunehi-laumanu nyak 
ulkum mulamu anan nyukli wosik. All nyumene-kanu 
nyakinu alaminu." 

17 Ali nakli-panu Adam, "Nyak nyumenek nyakik elmatok 
nyapah epedak chulkwip yakli-penyu, 'Kobwi nyipah epedak 
chulkwip. 1 Ali yek ikli, yoweluhi utaluh hlutaglu amanab. 
Nyak nyunek nebenyi moul da nyupalag kakwich nyichah. 
Kobwi nyunek nebenyi moul, kobwi nyupalag kakwich 
nyichah, wak. Nyupwe nyunek enyudak nebenyi atin moul 
nyupwe aliga aliga, nyugak. Yek yasuh amanab yenek 
nyak. Nyak nyupwe aliga nyugak nyutalu, nyunenemu 
amanab." Nakli-panu Adam namudak. Aliga Nebenali 
Aninu God nabo mahich nokleh bwechis naklupas nekech 
Adam nanu elmatok chasu-sak. Okudak elmatok apak 
manati-maguk mapwe a tap uli mohwalok mamakik. Ali 
Adam nohwalok I v. 

22-24 Senyudak lowag nyeyotu olokohun nahabigu uli, 

chulkwip pei I. Dakinyi elpen nyudi chulkwip nyipah kobwi 
nyugak nyunubu nyupwe. Nebenali Aninu God nakli, 
"Adam uli Iv chaduke-mech anenyi enen bolan yopwinyi 
uli yowenyi. Kobwi douk yek umu. Namudak ali yek 
ikegech chunak kipaigun umu. Kedeke chudi epedak 
chulkwip chipah senyudak lowag eke chupwe kobwi chugak." 
Nebenali Aninu God nakli namudak, ali nekegech Adam Iv 
chanak chalib kipaigun umu. Aliga Nebenali Aninu God 
nokogom halahe iluh uli hanaki heyotu aduk yawihas. 
Heyotu hatik yawihas, heyotu hatik senyudak lowag alagun. 
Senyudak lowag elpen nyudi chulkwip nyipah kobwi nyugak. 
Napubuk nebepwi nogotep nyih hapwe nyupi pakus aduk 
yawihas. Eke kipaichi chunaki chuwich chudi chulkwip 
chipah enyudak loag kobwi chugak. 

141 


